మీరు బతుకుతున్నారా, లేక Normal అనే నాటకంలో గొర్రెలా నటిస్తున్నారా? పిచ్చివాళ్ల సమాజంలో Normal గా బతకడమే అతిపెద్ద పిచ్చి!

ఒక మనిషి పీకల దాకా మద్యం తాగి రోడ్డు మీద తూలుతూ నడుస్తుంటే, మనం చూసి జాలిపడతాం, లేదా అసహ్యించుకుంటాం. వాడికి మతిస్థిమితం లేదు, వాడి Judgment పోయింది, Self-control లేదు అని తీర్పులు ఇస్తాం. కానీ ఎప్పుడైనా అద్దంలో చూసుకుని మిమ్మల్ని మీరు ప్రశ్నించుకున్నారా?

మద్యం తాగిన వాడు కనీసం ఉదయం కల్లా ఆ మత్తు నుంచి బయటపడతాడు. కానీ మీరు, నేను, ఈ Society మొత్తం పుట్టినప్పటి నుంచి చనిపోయే వరకు ఒక భయంకరమైన మత్తులో జోగుతున్నాం. ఆ మత్తు పేరే Normalcy.

మీరు ఏమనుకుంటున్నారంటే, ఉదయాన్నే లేచి, Office కి వెళ్లి, అప్పులు కట్టి, Weekend వస్తే ఒక సినిమా చూసి, అందరిలాగే బతికేస్తే మీరు చాలా స్థిమితంగా ఉన్నారని. కానీ అసలు నిజం ఏమిటంటే, ఒక కుళ్ళిపోయిన, జబ్బుపడిన Society లో అత్యంత Perfectly adjust అయిన వాడే అతి పెద్ద పిచ్చివాడు. మీరు Normal గా ఉండడం అంటే అర్థం ఏంటో తెలుసా? మీ జీవితం, మీ నిర్ణయాలు, మీ ఆలోచనలు మీవి కావు. మీరెవరో రాసిన ఒక Algorithm లో బతుకుతున్న ఒక Code మాత్రమే. ఈ నిజాన్ని జీర్ణించుకునే దమ్ము మీకుంటే, చదవడం కొనసాగించండి. లేదంటే, మీ Normal జీవితానికి తిరిగి వెళ్లిపోండి.

1. రెండు రకాల మత్తులు: ప్రకృతి మరియు వికృతి

మనిషి Conditioning రెండు స్థాయిల్లో జరుగుతుంది.

మొదటిది Biological. మన శరీరంలోని fluids, మన genetic material, hormones ఇవన్నీ మనల్ని శరీరం స్థాయికే పరిమితం చేస్తాయి. మనిషి తన అసలైన చైతన్యాన్ని (Consciousness) వదిలేసి, కేవలం ఈ మాంసపు ముద్దను మాత్రమే తాననుకోవడం మొదటి స్థాయి మత్తు. మనిషి దురదృష్టం కొద్దీ ఈ మత్తు సహజంగానే ఉంది.

కానీ దీనికి తోడుగా, మనం సృష్టించుకున్న రెండో స్థాయి మత్తు ఉంది. ఇది ప్రకృతి కాదు, ఇది వికృతి (Distortion).

సమాజం పెట్టిన కట్టుబాట్లు, 'మర్యాద' అనే ముసుగులో జరిగే అణచివేత, ఒక పద్ధతిలో బతకాలి అనే Pressure, ఇవన్నీ ఈ రెండో స్థాయి మత్తు. సమాజం మీ నుంచి కోరుకునేది ఒక్కటే: Conformity (విధేయత). మీరు వాళ్ళు గీసిన గీత దాటకూడదు. ఎవరైతే గుంపులో నుంచి బయటకు వచ్చి నిలబడతారో, ఎవరైతే ప్రశ్నిస్తారో, వారిని ఈ సమాజం 'Irresponsible' అంటుంది.

బుద్ధుడు, కబీర్, రమణ మహర్షి, జీసస్ వీళ్ళెవరూ Society దృష్టిలో 'Normal' మనుషులు కారు. వాళ్ళ జీవితాలు ఒక తిరుగుబాటు. ఒక Jail break. జైలులో బతికే బానిసలకు, స్వేచ్ఛగా గాలి పీల్చేవాడిని చూస్తే వాడొక పిచ్చివాడిలానే కనిపిస్తాడు.

నిజమైన బానిసత్వం సంకెళ్ళలో లేదు, మీ మెదడులో ఉంది. మనం ఎంత గాఢమైన బానిసత్వంలో ఉన్నామంటే, ఆ బానిసత్వమే మనకు 'Normal' అయిపోయింది.

2. మీ 'Normal' ఎంత అసహ్యమైనదో తెలుసా?

ఒకసారి ఆలోచించండి. అసలు ఈ 'Normal' ని ఎవరు Define చేస్తున్నారు?

మీరు వేసుకునే బట్టల దగ్గరి నుంచి, మీరు చదివే చదువుల వరకు మీ స్వంత నిర్ణయం ఏముంది?

అందరూ పరుగెడుతున్నారు కాబట్టి మీరు Engineering చదివారు. (Normal)

మార్కెట్ లో IT Job కి డిమాండ్ ఉంది కాబట్టి అందులో చేరారు. (Normal)

మీ పక్కింటి వాడు ఏ Car కొంటే, మీరు అదే Car లేదా దానికంటే ఖరీదైన Car కొనాలి. (Normal)

పెళ్లి సంబంధాల అప్పుడు, "అబ్బాయికి English, German తో పాటు Java కూడా వచ్చు" అని రాసుకుంటారు. (Normal)

ఒకప్పుడు మన తాతల కాలంలో డజను మంది పిల్లల్ని కనడం Normal. ప్రభుత్వం వచ్చి "ముగ్గురు ముద్దు" అంది. అప్పుడు అది Normal. తర్వాత "ఇద్దరు చాలు" అంది. ఇప్పుడు అది Normal. అసలు పిల్లల్ని కనాలా వద్దా అనే కనీస హక్కు, ఆ నిర్ణయం కూడా మీది కాదు. ఒక దేశపు చట్టం, ఒక పక్కింటి వాడి చూపు మీ పడకగదిలోకి వచ్చి మీరు ఏం చేయాలో శాసిస్తున్నాయి.

దీనికంటే బానిసత్వం ఏముంటుంది? మీరు ఎవరిని ఆకర్షించాలో, ఎలాంటి lipstick వేసుకోవాలో, ఎలా నవ్వాలో కూడా ఈ Society decide చేస్తుంది. మీరు ఒక గొర్రెల మందలో భాగం. పక్క గొర్రె ఎటు వెళ్తే మీరు అటు వెళ్తారు. ఒక మతం trend లో ఉంటే అందులోకి మారిపోతారు. వాళ్ళందరికీ భగవంతుడు తెలిసిపోయాడని కాదు, కేవలం ఆ గుంపులో కలిసిపోయి 'Normal' గా అనిపించుకోవాలనే తాపత్రయం.

3. The Grand Deception: 4.9/5 నాటకం

మనం బతుకుతున్న ఈ నాగరికతలో Success అనేది ఒక పెద్ద జబ్బు.

Social Media తెరవండి. అందరూ అద్భుతమైన జీవితాలు గడుపుతున్నట్లు కనిపిస్తుంది. పెళ్లిళ్లలో దవడలు నొప్పి పుట్టేలా నవ్వుతూ Photos దిగుతారు. అదొక Happy Couple ముసుగు. నిజానికి ఆ తలుపులు మూశాక లోపల జరిగే నరకం ఆ ఇద్దరికీ మాత్రమే తెలుసు. కానీ బయటకి మాత్రం నవ్వాలి. ఎందుకంటే, "మేము Happy గా లేము" అని ఒప్పుకుంటే, ఈ సమాజం వారిని వెలివేస్తుంది.

నేను Malls కి, Five-star Hotels కి వెళ్ళినప్పుడు అక్కడి Attendants తో మాట్లాడతాను. వాళ్ళు ముఖానికి ఎంతో రంగు వేసుకుని, కృత్రిమమైన నవ్వుతో "Yes Sir, How can I help you?" అంటారు. కానీ ఒక్క రెండు నిమిషాలు వాళ్ళ కళ్ళలోకి చూసి, ఆ ముసుగు పక్కన పెట్టి నిజం మాట్లాడమంటే... వారిలోని శోకం కట్టలు తెంచుకుంటుంది. సరైన తిండి, నిద్ర లేని జీవితాలు వాళ్ళవి. కానీ వాళ్ళ కంపెనీ Employee Satisfaction Survey లో వాళ్ళ Rating: 4.9 out of 5.

మీ ఉద్యోగం ఎలా ఉంది? - 4.9/5
మీ పెళ్లి ఎలా ఉంది? - 4.9/5
మీ జీవితం ఎలా ఉంది? - 4.9/5

మరి అంతా 4.9 ఉన్నప్పుడు, రాత్రి పూట ఎందుకు నిద్ర పట్టడం లేదు? లోపల ఎందుకంత భయం? ఎందుకంత వెలితి?

ఎందుకంటే మనం ఆత్మవంచన చేసుకుంటున్నాం. "నేను మీకంటే తక్కువ కాదు, నా జీవితం అద్భుతంగా ఉంది" అని పక్కవాడికి నిరూపించుకోవడానికి మన జీవితాల్ని నాశనం చేసుకుంటున్నాం.

4. నకిలీ బంగారు ఇటుకలు: అహంకారం యొక్క అసలైన రూపం

మీకో కథ చెప్తాను. ఒక ఊళ్లో ఒక పెద్దమనిషి ఉండేవాడు. అతని locker లో అచ్చమైన బంగారు ఇటుకలు ఉన్నాయని ఊరంతా నమ్మేది. దానికి తగ్గట్టే ఊళ్లో అందరూ అతనికి విపరీతమైన గౌరవం ఇచ్చేవారు. అతను చనిపోయే ముందు తన కొడుకుని పిలిచి locker తాళాలు ఇచ్చాడు. కొడుకు సంతోషంగా వెళ్లి లాకర్ తెరిచి చూస్తే, అందులో బంగారు ఇటుకలు లేవు, కేవలం ఇత్తడి పూత పూసిన మామూలు ఇటుకలు ఉన్నాయి.

కొడుకు భయంతో పరుగెత్తుకుంటూ వచ్చి, "నాన్నా, ఎవరో మన బంగారం దొంగిలించి రాళ్లు పెట్టారు" అని ఏడ్చాడు. అప్పుడు ఆ తండ్రి నవ్వి, "అందులో ఎప్పుడూ బంగారం లేదురా. నా తండ్రి నాకు ఇచ్చినప్పుడు కూడా అవి రాళ్లే. కానీ ఆ రాళ్లను బంగారం అని నమ్మించడం వల్లే ఈ ఊళ్లో మనకి ఇంత గౌరవం, పరపతి దక్కాయి. ఇప్పుడు నువ్వు కూడా ఆ రహస్యాన్ని దాచి, ఆ రాళ్లనే బంగారం అని బతుకు" అన్నాడు.

ఇదీ మీ బతుకు!

లోపల ఏమీ లేదు. అంతా శూన్యం. మీరు గొప్పగా ఫీలయ్యే మీ హోదా, మీ బంధాలు, మీ ఆస్తులు అన్నీ ఆ నకిలీ ఇటుకలే. ఈ విషయం మీకు కూడా లోపల ఎక్కడో తెలుసు. కానీ అది బయటపడితే ఆ ఇటుకల వల్ల వస్తున్న 'నకిలీ గౌరవం' పోతుందేమో అని భయం. అందుకని ఆ బరువును మోస్తూనే చచ్చిపోతున్నారు.

మీ లోపలి గాయాలను ఒప్పుకోవడానికి మీకు ధైర్యం లేదు.

"నేను నా జీవితంలో ఓడిపోయాను. నా బంధాలు అర్థరహితం. నేను చేస్తున్న ఉద్యోగం నాకు నచ్చలేదు" అని ఒప్పుకుంటే, ఎక్కడ మీ హోదా పడిపోతుందో అని భయం.

మీరు ఓడిపోయారని అంగీకరించిన క్షణమే ఆధ్యాత్మికత మొదలవుతుంది. మీ గాయాన్ని దాచుకున్నంత కాలం దానికి మందు పడదు. రోగం ఉందని ఒప్పుకుంటేనే వైద్యం జరుగుతుంది.

5. జైలర్ తోనే తప్పించుకునే ప్లాన్ వేస్తున్నారా?

మీరు ఈ 'Normal' అనే జైలు నుంచి బయటపడాలి అనుకుంటారు. కానీ మీరు చేసే అతిపెద్ద తప్పు ఏంటంటే... ఎలా బయటపడాలో మీ 'Mind' నే అడుగుతారు.

మీ మైండే ఆ జైలుకి Jailor!

చిన్నప్పటినుంచి సమాజం, తల్లిదండ్రులు, టీచర్లు మీ Mind ని Program చేశారు. ఆ Mind ఎప్పుడూ తన ఉనికిని తాను నాశనం చేసుకోదు. "నేనే decide చేసుకుంటాను, నా జీవితం నా ఇష్టం" అని మీరు అనుకునే ప్రతిసారీ, మీ లోపల ఉండి ఆ నిర్ణయం తీసుకుంటున్నది మీరెవరో కాదు... ఆ Jailor. మిమ్మల్ని బానిసగా మార్చిన వ్యవస్థే మీ లోపల కూర్చుని ఆలోచిస్తోంది. మీరు దానికి బానిసలు కాబట్టి, అది ఇచ్చే జవాబులు కూడా బానిసత్వానికే దారి తీస్తాయి.

కానీ ఆశ్చర్యకరమైన విషయం ఏంటంటే, ఎవరైనా మీకు ఈ నిజం చెప్తే మీకు కోపం వస్తుంది. ఎందుకంటే కళ్ళు లేనివాడు డాక్టర్ దగ్గరికి వెళ్లి, "ముందు నాకు ఆపరేషన్ ఎలా చేస్తావో నా కళ్ళతో చూపిస్తేనే, ఆపరేషన్ కి ఒప్పుకుంటాను" అన్నట్టు ఉంటుంది మీ తీరు. మీకు కళ్ళు రావడం కోసం ఆపరేషన్ చేస్తుంటే, ఆ పనికిమాలిన కళ్ళతోనే అన్నీ చూడాలనుకుంటారు. మీ బానిస ఆలోచనలతోనే స్వేచ్ఛను అంచనా వేయాలనుకుంటారు. అది అసాధ్యం.

6. పరిష్కారం (The Illusion of the Alternative Normal)

ఇదంతా చదివాక మీ మైండ్ వేసే తక్షణ ప్రశ్న: "సరే, ఈ Normal తప్పయితే, దీనికి Alternative (ప్రత్యామ్నాయం) ఏంటి? అడవుల్లోకి వెళ్లిపోవాలా?"

మళ్ళీ అదే బుద్ధి!

మీరు Alternative వెతుకుతున్నారంటే, మీ Center ఇంకా ఆ 'Normal' చుట్టూనే తిరుగుతోంది. "సమాజం కుడి వైపు వెళ్తే, నేను ఎడమ వైపు వెళ్తాను" అనుకోవడం కూడా బానిసత్వమే. ఎందుకంటే మీ దిశను నిర్ణయిస్తున్నది కూడా ఆ సమాజమే. కుడి అనేది లేకపోతే, మీరు ఎడమవైపు ఎందుకు వెళ్తారు?

నిజమైన జీవితానికి Alternatives ఉండవు.

సత్యంగా జీవించేవాడు ప్రత్యామ్నాయాలు వెతకడు. ఎందుకంటే వాడికి ఇంకో దారి కనిపించదు. ఉన్నదొక్కటే దారి - సత్యం. మిగతాదంతా ఆత్మహత్యతో సమానం అని వాడికి తెలుసు.

కాబట్టి ఏం చేయాలి?

Honesty (నిజాయితీ). మిమ్మల్ని మీరు మోసం చేసుకోవడం ఆపండి.

మీ నకిలీ చిరునవ్వులు తీసేయండి. మీ లోపలి బాధను, భయాన్ని, అభద్రతను అంగీకరించండి. మీ చేతిలో ఉన్న ఇటుకలు బంగారం కావని, అవి పనికిమాలిన రాళ్ళని ముందు మీకు మీరు ఒప్పుకోండి.

ఆ క్షణం మీ అహంకారం (Ego) బద్దలవుతుంది. చాలా నొప్పిగా ఉంటుంది. కానీ ఆ నొప్పి దాటాకే అసలైన స్వేచ్ఛ ఉంటుంది.

మీరు భయపడుతున్నట్లు, ఆ పనికిమాలిన గుర్తింపును వదిలేస్తే మీరు ఏకాకి అయిపోరు... మరింత తేలికగా, మరింత అందంగా, మరింత స్వేచ్ఛగా మారతారు.

మరి ఆ ధైర్యం మీకుందా? లేక మళ్ళీ వెళ్లి మీ 4.9/5 నకిలీ జీవితంలో పడుకుంటారా? నిర్ణయం మీదే!

- PRATIKULA VEDAM